كشف مصدر أمنى رفيع المستوى، لـ«الوطن»، عن أن الرئيس المعزول محمد مرسى استمع لحوار عبدالفتاح السيسى، المرشح الرئاسى، على مدار الأيام الماضية، وتابع أخباره فى الصحف، ووصف برنامجه الانتخابى بالمضحك وقال: «واخد شوية من هنا، وشوية من عندى، وشوية من أيام مبارك، وهو وحمدين صباحى، المرشح المنافس، معندهمش برنامج فى الأساس، وناقص ياخد برنامجى الانتخابى ويكتب عليه اسمه». وأضاف المصدر: إن «مرسى» قال إن وعود «السيسى» مجرد «تثبيت» للشعب، وحتى لو الشعب خرج على «السيسى» مش هيمشى. هو فاكر إن فلوس الخليج هتفضل كتير؟ دول بيضحكوا علينا شوية وعايزين المقابل. وزعم «مرسى» أن مؤسسات الدولة تساند «السيسى»، قائلاً: «على أيامى ماكنش فيه حد بيساندنى وكانوا زعلانين أوى إنى بأقول إن مؤسسات الدولة كان فيها فساد». وتابع المصدر: «مرسى قال لنا بنبرة عالية: كنتوا بتتريقوا عليا لما كنت بأقول اصبروا سنتين، لكن دلوقتى هو بيقول اصبروا لأن ليس لديه رؤية واتحدى لو رجعوا فلوس البلد المسروقة.. خلاص مش هيرجعوا حاجة، و«السيسى» هيشحت بالبلد شوية من الخليج وشوية من رجال الأعمال».
وقال إن «مرسى» طلب أن يواجه «السيسى» للرد على كلامه بشأن رفض المعزول للاستفتاء على استمراره فى الرئاسة، قائلا: «السيسى لازم يواجهنى بالكلام ده، أنا قلت له سيبنى أتشاور بشأن الاستفتاء على بقائى، لكنه رفض التشاور مع المستشارين وعائلتى بخصوص الاستفتاء وقيل لى: مهلتك انتهت».
وأضاف: «مرسى» قال إن «السيسى» لن يستطيع أن يقصى الإخوان، ولن تقبل أى دولة إعطاء مساعدات خارجية لمصر إلا بعد دخول الإخوان الحياة السياسية مرة أخرى وخروجنا من السجون.. الدنيا هتولع بعد ما «السيسى» هيمسك ومش هتهدى زى ما الناس شايفة.